በኔቫዳ ወረዳ ቤተ ክህነት ላስ ቬጋስ ከተማ አዲስ ሕንጻ ቤተ ክርስቲያን ለመገንባት የደብረ ብሥራት ቅዱስ ገብርኤል ቤ/ክርስቲያን ሰበካ ጉባዔ ባዘጋጀው ሁለት ኤከር ባዶ መሬት ላይ ሐምሌ ፲፰ ቀን ፳፻፲፩ ዓ/ም ግንባታ ማስጀመሪያ የመሠረት ድንጋይ በብጹአን አበው ሊቃነ ጳጳሳት የተቀመጠ ሲኾን በዕለቱ የመሠረት ድንጋዩን ባርከው ያስቀምጡ የሀገረ ስብከቱ ሊቀ ጳጳስ ብጹእ አቡነ ቴዎፍሎስ ዶ/ር ፣ በብጹእ አቡነ ዮሴፍ የሲዳሞ ፣ አማሮ እና ቡርጂ ሐገረ ስብከት ሊቀ ጳጳስና የደብሩ መስራች ሊቀ ጳጳስ እንዲሁም  ብጹእ አቡነ በርናባስ የደቡብ ካሊፎርኒያ እና አላስካ ሀገረ ስብከት ሊቀ ጳጳስ ናቸው። የደብረ ብሥራት ቅ/ገብርኤል ሕንጻ ቤ/ክርስቲያን ሕንጻ ግንባታ በፈቃደ እግዚአብሔር በአጭር ጊዜ ተጠናቆ ሐምሌ ፲፰ ቀን ፳፻፲፭ ወይም July 26, 2023 በብጹአን አበው ሊቃነ ጳጳሳት ተባረከ። ካቴድራሉን የባረኩ ብጹአን አበው ሊቃነ ጳጳሳት፤ ብጹዕ አቡነ ሳሙኤል የኦሃዮ እና አካባቢው ሀገረ ስብከት ሊቀ ጳጳስ ፣ ብጹዕ አቡነ ያዕቆብ የጆርጂያ እና አካባቢው ሀገረ ስብከት ሊቀ ጳጳስ ፣ ብጹዕ አቡነ በርናባስ የደቡብ ካሊፎርኒያ እና አላስካ ሀገረ ስብከት ሊቀ ጳጳስ ፣ ብጹዕ አቡነ ናትናኤል የኮሎራዶ እና አካባቢው ሀገረ ስብከት ሊቀ ጳጳስ ፣ ብጹእ አቡነ ቴዎፍሎስ ዶ/ር የሰሜን ካሊፎርኒያ ኔቫዳ እና አሪዞና ሀገረ ስብከት ሊቀ ጳጳስ ፣ ብጹእ አቡነ ዮሴፍ የሲዳማ አማሮ ቡርጂ ጌዴኦ እና ምእራብ አርሲ ሀገረ ስብከት እና የደብሩ መስራች ሊቀ ጳጳስ ናቸው።