ደብረ ምሕረት ቅዱስ ሚካኤል የኢት/ኦ/ተ/ቤ/ክርስቲያን በ የአገልግሎት ሕንጻ ቤ/ክርስቲያን ግዢ ተጠናቆ በሀገረ ስብከቱ ሊቀ ጳጳስ ብጹዕ አቡነ ቴዎፍሎስ ተባርኮ አገልግሎት መስጠት ጀመረ። ሰኔ 8 2011 ዓ/ም ወይም እ.ኤ.አ June 15 2019 ሕንጻ ቤተ ክርስቲያኑ በሀገረ ስብከቱ ሊቀ ጳጳስ ብጹዕ አቡነ ቴዎፍሎስ ዶ/ር ተባርኮ ቅዳሴ ቤቱ በተለያዩ መንፈሣዊ አገልግሎቶች የተከበረ ሲኾን በሀገረ ስብከቱ ያሉ አብያተ ክርስቲያናት በየጊዜው ፕሮጀት በመንደፍ በአጭር ጊዜ አጥቢያቸውን ለማሳደግ የሚያደርጉት እንቅስቃሴ የሚበረታታ እና ለሌሎች የሀገረ ስብከት አጥቢያዎችም መልካም ተሞክሮ ሊኾን እንደሚችል የሀገረ ስብከቱ ሊቀ ጳጳስ ብጹዕ አቡነ ቴዎፍሎስ ዶ/ር ተናግረዋል። በዚህም የሕንጻ ግዢ ታሪካዊ ጉዞ አሻራ ላኖሩ የደብሩ ምዕመናን እና የደብሩ አስተዳዳሪ መልአከ ሰላም አባ ተስፋማርያም መርሻ የሀገረ ስብከቱ ሊቀ ጳጳስ ብጹዕ አቡነ ቴዎፍሎስ ዶ/ር አባታዊ ቡራኬ እና ቃለ በረከት አስተላልፈዋል።