ኆኅተ ሰማይ መጥምቀ መለኮት ቅ/ዮሃንስ ወቅ/ት አርሴማ የኢት/ኦ/ተ/ቤ/ክ አንድነት ገዳም በሳን ሉዊስ ኦቢስፖ ካውንቲ ሳን ሚጊዬል ከተማ ካሊፎርኒያ ግዛት የ3700 ኤከር መሬት ቦታ ግዢ ተጠናቆ በብጹአን ሊቃነ ጳጳሳት ተባርኮ አገልግሎት መስጠት ጀመረ። ለታላቁ የአንድነት ገዳም የመሠረት ድንጋይ ማኖር መርሐግብሩ የተከናወነው ሚያዝያ 13 2015 ዓ/ም ወይም እኤአ April 21 2023 ሲኾን የገዳሙ መሥራች እና የሀገረ ስብከቱ ሊቀ ጳጳስ ብጹዕ አቡነ ቴዎፍሎስ ዶ/ር እንዲሁም ብጹእ ጠቅላይ ሥራ አስኪያጅ አቡነ አብርሃም የባህር ዳር እና አካባቢው ሀገረ ስብከት ሊቀ ጳጳስ ፣ የቅዱስ ሲኖዶስ ዋና ጸሐፊ ብጹእ አቡነ ጴጥሮስ የኒውዮርክ እና አካባቢው ሀገረ ስብከት ሊቀ ጳጳስ ፣ ብጹእ አቡነ ታዴዎስ የካሪቢያን እና ላቲን አሜሪካ ሀገረ ስብከት ሊቀ ጳጳስ ፣ ብጹዕ አቡነ ሳዊሮስ የቴክሳስ እና አካባቢው ሀገረ ስብከት ሊቀ ጳጳስ ፣ ብጹዕ አቡነ ናትናኤል የኮሎራዶ እና አካባቢው ሀገረ ስብከት ሊቀ ጳጳስ ፣  ብጹእ አቡነ ኤርሚያስ የሰሜን ወሎ እና አካባቢው ሀገረ ስብከት ሊቀ ጳጳስ ፣ ብጹእ አቡነ በርናባስ የደቡብ ካሊፎርኒያ እና አካባቢው ሀገረ ስብከት ሊቀ ጳጳስ የገዳሙን ጊዜያዊ የአገልግሎት መቅደስ በመባረክ በርካታ ምዕመናን እና ካህናት ፣ መዘምራን ፣ ክቡር አምባሳደር ዶ/ር ስለሺ በቀለ በአሜሪካ የኢትዮጵያ ባለ ሙሉ ስልጣን አምባሳደር እና ጥሪ የተደረገላቸው የመንግስት ባለስልጣናት በተገኙበት ቅዳሴ ቤቱ ሚያዝያ 14 2015 ዓ/ም ወይም እኤአ April 22, 2023 በታላቅ ድምቀት ተከብሯል።