መካነ ስብሃት ቅ/ሥላሴ የኢት/ኦ/ተ/ቤ/ክርስቲያን ሳክራሜንቶ የአገልግሎት ሕንጻ ቤ/ክርስቲያን ግዢ ተጠናቆ በሀገረ ስብከቱ ሊቀ ጳጳስ ብጹዕ አቡነ ቴዎፍሎስ ዶ/ር ተባርኮ አገልግሎት መስጠት ጀመረ። ብጹዕ አቡነ ቴዎፍሎስ ዶ/ር ደብሩ ከተመሠረተ የሦሥት ዓመት ዕድሜ ያለው መኾኑን አውስተው በአጭር ጊዜ ከጊዜያዊ የአገልግሎት ቦታ ወደ ቋሚ ቦታ መድረስ መቻል የእግዚአብሔር ፈቃድ በልጆቹ አድሮ እየሠራ መኾኑን ማረጋገጫ ነው ብለዋል። ስለሆነም ለዚህ የሕንጻ ግዢ ታሪካዊ ጉዞ አሻራ ላኖሩ የደብሩ ማህበረ ምዕመናን እና የደብሩ አስተዳዳሪ መልአከ ስብሃት ቀሲስ አሰፋ በየነ ከሀገረ ስብከቱ ሊቀ ጳጳስ ብጹዕ አቡነ ቴዎፍሎስ ዶ/ር አባታዊ ቡራኬ እና ቃለ በረከት ተቀብለዋል።